Si të veproj nëse më humbet kartela e Sigurimit?
Ju lutem të kontaktoni sa më parë në formë të shkruar personin e kontaktit në Departamentin e Trajtimit të Dëmeve Shëndetësore, deklaroni humbjen e kartelës dhe depozitoni kërkesës për të përgatitur një kartelë të re.
Si të njoftoj nëse një person i siguruar ka humbur jetën/ ka vdekur?
Dërgoni në formë të shkruar personit të kontaktit në Departamentin e Trajtimit të Dëmeve Shëndetësore, duke e njoftuar për detajet e rastit të ndodhur. Nëse personi i siguruar, i cili ka humbur jetën, ka të kontraktuar polici që përfshin mbulueshmëri të rastit të ndodhur, duhet të njoftoni brenda afatit kohor të parashikuar në kushtet e kontraktuara.
Çfarë dokumentacioni duhet të paraqes në rast se planifikoj të kryej një intervenim?
Para Miratimi i shpenzimeve – Të gjitha trajtimet e planifikuara duhet të njoftohen paraprakisht pranë kompanisë, në formë të shkruar personin e kontaktit në Departamentin e Trajtimit të Dëmeve Shëndetësore. Kërkesa për paramiratim – të plotësohet me të dhënat e kërkuara dhe të bashkëlidhet në email.
Çfarë dokumentacioni duhet të paraqes në rast të shpenzimeve nga polica e Sigurimit Shëndetësor?
Dorëzimi i kërkesave për rimbursim – I Siguruari duhet të dërgojë kërkesat për shpenzimet mjekësore, duke përdorur formularin sipas formatit të Siguruesit. Kërkesat për rimbursimin e shpenzimeve mjekësore do të shoqërohen nga dokumentacioni mjekësor origjinal shoqërues duke përfshirë faturat për vërtetimin për pagesës.
Si të dorëzoj kërkesën për rimbursim për shpenzimet mjekësore që kam kryer?
Kryeni trajtimin mjekësor dhe paguani shpenzimet pranë klinikës/ordinancës. Merrni faturën fiskale nga Mjeku/ordinanca ku keni kryer trajtimin. Dorëzoni kërkesën për rimbursim në adresën e përcaktuar. Ju lutem mos harroni të dorëzoni kërkesën brenda afatit të përcaktuar në planin tuaj të mbulimit.
Si të veproj në rast të një emergjence shëndetësore?
Merrni trajtimin emergjent të nevojshëm për ju dhe nëse keni nevojë për këshillim na kontaktoni. Kurdo që keni mundësi, ju apo familjarët tuaj duhet të kontaktojnë sa më parë pranë nesh brenda 48 orëve për të raportuar ngjarjen emergjente si dhe të na informoni në rast të hospitalizimit.
Si të veproj në rast se pësoj një aksident të papritur dhe kam një policië sigurimi në rast aksidenti?
Lutemi, referojuni link për raportimin e dëmit këtu (link për rubrikën “Raporto Dëmin”).