Sigurimi i Garancisë së Ofertës, Ekzekutimit, Avansit, Depo Doganore, Kualitetit e punimeve

Në marrëdhëniet kontraktuale dhe projektet publike apo private, garantimi i përmbushjes së detyrimeve është një element thelbësor për ndërtimin e besimit ndërmjet palëve.

Sigurimi i Garancive nga SIGMA VIG, Dega Kosovë, ofron një zgjidhje profesionale që shërben si garanci financiare për përmbushjen e detyrimeve kontraktuale, në përputhje me kushtet e policës dhe legjislacionin në fuqi në Republikën e Kosovës.

Ky produkt sigurimi funksionon si një instrument garancie, përmes të cilit SIGMA VIG merr përsipër të kompensojë përfituesin e garancisë në rast se i siguruari nuk përmbush detyrimet e përcaktuara në kontratë, sipas kushteve dhe limiteve të dakorduara.

Sigurimi i Garancive përdoret gjerësisht në procedurat e prokurimit, kontratat e ndërtimit, furnizimit, shërbimeve dhe projekteve të ndryshme investuese.

Në varësi të nevojave të klientit, garancitë mund të lëshohen për qëllime të ndryshme, duke përfshirë:

• Garancinë e Ofertës (Bid Bond),
• Garancinë e Ekzekutimit të Kontratës (Performance Bond),
• Garancinë e Avansit (Advance Payment Bond), Garancinë Doganore
• Garancinë e Cilësisë së Punimeve apo Periudhës së Mirëmbajtjes (Maintenance/Warranty Bond).

Çdo garanci lëshohet në bazë të vlerësimit të rrezikut dhe dokumentacionit përkatës, sipas procedurave të siguruesit.

Ky produkt është veçanërisht i përshtatshëm për kompani ndërtimi, operatorë ekonomikë, importues, eksportues, furnitorë, kontraktorë dhe biznese që marrin pjesë në tenderë publikë ose privatë dhe kanë nevojë të dëshmojnë kapacitetin e tyre financiar dhe kontraktual.

Një nga përfitimet kryesore të Sigurimit të Garancive është se u mundëson bizneseve të përmbushin kërkesat e kontratave dhe tenderëve pa bllokuar likuiditetin e tyre financiar në depozita ose instrumente të tjera garancie. Në të njëjtën kohë, përfituesit e garancisë fitojnë siguri shtesë mbi realizimin e detyrimeve të kontraktuara.

Me SIGMA VIG Kosovë, bizneset përfitojnë partneritet të besueshëm, fleksibilitet financiar dhe mbështetje profesionale për zhvillimin e projekteve dhe zgjerimin e aktiviteteve të tyre në treg.