Sigurimi i Kargos
Transporti i mallrave shoqërohet me një sërë rreziqesh të cilat mund të ndikojnë në vlerën dhe integritetin e ngarkesës gjatë lëvizjes nga një destinacion në tjetrin. Për këtë arsye, Sigurimi i Mallrave gjatë Transportit (Cargo) nga SIGMA VIG, Dega Kosovë, ofron mbrojtje financiare për bizneset dhe individët që dëshirojnë të sigurojnë mallrat e tyre kundër humbjes ose dëmtimit gjatë transportit.
Ky produkt është krijuar për të mbuluar rreziqet që mund të paraqiten gjatë transportit të mallrave me rrugë tokësore, detare, ajrore, në përputhje me kushtet dhe mbulimet e përcaktuara në policën e sigurimit. Në rast të një humbjeje ose dëmtimi të mbuluar nga kontrata e sigurimit, kompensimi kryhet sipas vlerës së siguruar dhe kushteve të dakorduara ndërmjet palëve.
Sigurimi Cargo është veçanërisht i rëndësishëm për
-
importuesit,
-
eksportuesit,
-
prodhuesit,
-
distributorët,
-
kompanitë tregtare,
-
operatorët logjistikë
-
çdo biznes që transporton mallra me vlerë.
Në një mjedis tregtar gjithnjë e më dinamik, ky sigurim ndihmon në minimizimin e ndikimit financiar që mund të shkaktohet nga dëmtimi, humbja ose ngjarje të tjera të papritura gjatë transportit.
Në varësi të nevojave të klientit dhe kushteve të kontraktuara, mbulimi mund të ofrohet sipas standardeve ndërkombëtare të sigurimit të mallrave gjatë transportit, duke përfshirë tri klauzolat bazë të sigurimit të mallit, të emërtuara Klauzola A, Klauzola B dhe Klauzola C (këto sipas standardit ndërkombëtar të Institutit të Londrës për fletëngarkesat e mallërave). Shtrirja e mbulimit dhe përjashtimet përcaktohen qartë në policën e sigurimit.
Me SIGMA VIG Kosovë, bizneset fitojnë siguri më të madhe në menaxhimin e zinxhirit të furnizimit, mbrojtje për vlerën e mallrave dhe mbështetje profesionale në rast të një dëmi të mbuluar nga sigurimi. Kjo i mundëson kompanive të fokusohen në aktivitetin e tyre tregtar me më shumë besim dhe stabilitet financiar.
Sigurimi i Parave gjatë Transportit (Cash in Transit - CIT)
Transporti i parave të gatshme paraqet një aktivitet me rrezik të shtuar për bizneset dhe organizatat që kryejnë lëvizje të fondeve ndërmjet pikave të ndryshme operative, institucioneve financiare ose lokacioneve të tjera të autorizuara.
Për këtë arsye, Sigurimi i Parave gjatë Transportit (CIT) nga SIGMA VIG, Dega Kosovë, ofron mbrojtje financiare ndaj humbjes ose dëmtimit të parave gjatë transportit, në përputhje me kushtet dhe mbulimin e përcaktuar në policën e sigurimit.
Ky produkt sigurimi është krijuar për të mbështetur bizneset që menaxhojnë rregullisht mjete monetare dhe kanë nevojë për siguri shtesë gjatë procesit të transportit. Sigurimi mund të mbulojë rreziqe që lidhen me:
-
humbjen,
-
grabitjen,
-
vjedhjen,
-
dëmtimin e parave gjatë transportit të kryer nga persona të autorizuar të të siguruarit ose nga kompani profesionale të sigurisë,
sipas kushteve të kontraktuara dhe limiteve të përcaktuara në policë.
Sigurimi CIT është veçanërisht i përshtatshëm për rrjete tregtare, supermarkete, kompani të sigurisë fizike, institucione financiare, pika këmbimi valutor, biznese me qarkullim të lartë ditor në para të gatshme dhe çdo subjekt tjetër që transporton fonde në kuadër të aktivitetit të tij ekonomik.
Një nga përfitimet kryesore të këtij sigurimi është reduktimi i ekspozimit financiar ndaj incidenteve të paparashikuara gjatë transportit të parave. Për më tepër, produkti ndihmon organizatat të forcojnë politikat e tyre të menaxhimit të rrezikut dhe të operojnë me më shumë siguri dhe besim.
Me SIGMA VIG Kosovë, klientët përfitojnë një zgjidhje profesionale sigurimi, e ndërtuar për të mbështetur vazhdimësinë e aktivitetit biznesor dhe për të mbrojtur interesat financiare të kompanisë nga rreziqet e mbuluara në kontratën e sigurimit.
