Shëndeti është pasuria më e çmuar për çdo individ dhe familje. Me Sigurimin e Shëndetit Familjar dhe Individual nga SIGMA VIG, Dega Kosovë, përfiton mbrojtje financiare dhe akses më të lehtë në shërbimet shëndetësore, duke ju ndihmuar të përballoni me qetësi situata të papritura që lidhen me shëndetin.

Kjo paketë sigurimi mbulon një gamë të gjerë shërbimesh, duke përfshirë vizitat ambulatore, ekzaminimet diagnostikuese, trajtimet mjekësore, shtrimet në spital dhe shpenzime të tjera të përcaktuara në kontratën e sigurimit. Polica mund të personalizohet sipas nevojave tuaja dhe të zgjerohet për të përfshirë bashkëshortin/en, partnerin/en dhe fëmijët, duke garantuar mbrojtje të plotë për të gjithë familjen.

Ky sigurim është i përshtatshëm për:

• Individë që dëshirojnë siguri dhe mbështetje financiare për kujdesin shëndetësor;
• Familje që kërkojnë mbulim të përbashkët për anëtarët e tyre;
• Prindër që duan të sigurojnë akses më të shpejtë dhe më cilësor në shërbimet mjekësore për fëmijët;
• Profesionistë dhe persona aktivë që dëshirojnë të shmangin kostot e papritura të trajtimeve mjekësore.

Pse është i nevojshëm Sigurimi i Shëndetit?

Sepse shpenzimet shëndetësore mund të shfaqen në çdo moment dhe shpesh janë të vështira për t'u parashikuar. Duke zgjedhur Sigurimin e Shëndetit SIGMA VIG, Dega Kosovë, mbështesni mirëqenien tuaj dhe të të dashurve me një zgjidhje të besueshme, fleksibël dhe afatgjatë. Investoni sot në sigurinë e shëndetit tuaj dhe përfitoni qetësinë që meritoni çdo ditë.

Kjo policë kolektive është krijuar për të mbuluar shpenzimet që lidhen me kujdesin shëndetësor, duke përfshirë:

• vizitat ambulatore,
• ekzaminimet diagnostikuese,
• trajtimet mjekësore,
• shtrimet spitalore
• përfitime të tjera të përcaktuara në kontratën e sigurimit.

Falë fleksibilitetit të produktit, mbulimi mund të përshtatet sipas nevojave të organizatës dhe numrit të të siguruarve.

Sigurimi i Shëndetit në Grup me Sigma VIG, Dega Kosovë, është veçanërisht i përshtatshëm për:

• kompani private,
• ndërmarrje të mëdha dhe të mesme,
• institucione publike,
• organizata jofitimprurëse
• çdo punëdhënës që dëshiron të investojë në mirëqenien e stafit.

Në një treg gjithnjë e më konkurrues të punës, ofrimi i sigurimit shëndetësor për punonjësit konsiderohet një benefit i rëndësishëm që ndihmon në tërheqjen, motivimin dhe mbajtjen e profesionistëve më të mirë.

Përfitimet kryesore të këtij sigurimi përfshijnë:

-uljen e barrës financiare të shpenzimeve shëndetësore, akses më të shpejtë në shërbimet mjekësore,

-rritjen e sigurisë dhe qetësisë për punonjësit,

-krijimin e një kulture organizative që vlerëson kujdesin për njerëzit.

Duke zgjedhur SIGMA VIG Kosovë, punëdhënësit investojnë jo vetëm në mbrojtjen shëndetësore të stafit, por edhe në zhvillimin e qëndrueshëm dhe performancën afatgjatë të organizatës së tyre.

2. Tarifa Sigurimi i shendetit.pdf